Torpaqlarının altı da, üstü də zəngin olan Qarabağı və onun ətrafında olan əraziləri 27 ildən artıqdır ki, işğal altında saxlayan ermənilər onu istismar ediblər, indi isə azad edilmiş torpaqlarımız onları bu xislətdən məhrum edib, həm də narahatçılıqlarına səbəb olub.

Belə ki, Söyüdlü (ermənilər "Zod” adlandırır - red.) qızıl yatağının əsas hissəsi Azərbaycanın nəzarətinə keçib.

Ermənistanın "Qraparak" qəzetinin yazdığına görə, Söyüdlü qızıl yatağının əməkdaşları - təxminən 800 nəfər məlum səbəblərdən işə çıxmır. Fabrikin rəhbərliyi buna qərar verib və bildirilib ki, sonrakı işləri təşkil etmək üçün azərbaycanlılarla danışıqlar aparılmalıdır.

"Mediatv.az" xəbər verir ki, bu barədə erməni mətbuatı məlumat yayıb.

Mənbənin yazdığına görə rəsmi danışıqlardan sonra, “Zod” qızıl yatağının bir hissəsi Ermənistan, digər hissəsi isə Azərbaycan tərəfdə qalıb.

"Nisbət isə 30/70-dir. “Zod” qızıl yatağının 30 faizi Ermənistanın, 70 faizi isə Azərbaycanın nəzarətinə keçib. Bu səbəbdən Azərbaycan tərəfi texnikaları çıxarmağımızı tələb edib", - qəzet yazıb.

Mənbə bildirib ki, əgər danışıqlar nəticə verməsə, “Zod” qızıl yatağının əməkdaşları çətin vəziyyətə düşəcəklər.шаблоны для dle 11.2