Bu gün Baş prokuror Kamran Əliyev Ombudsman Səbinə Əliyevanın dəvəti əsasında ölkəmizdə səfərdə olan İslam Əməkdaşlıq Təşkilatı Ombudsmanlar Assosiasiyasının prezidenti və Türkiyənin Baş Ombudsmanı Şərəf Malkoç ilə görüşüb.
Baş Prokurorluğun mətbuat xidmətindən "Mediatv.az"a verilən məlumata görə, K.Əliyev sentyabrın 27-dən başlayaraq Ermənistan silahlı qüvvələrinin Azərbaycanın dinc əhalisinə qarşı törətdikləri cinayət əməlləri barədə məlumat verib.
Qeyd edilib ki, Ermənistan rəhbərliyinin göstərişi ilə 4, 11 və 17 oktyabr tarixlərində mülki əhalinin sıx yaşadığı Azərbaycanın ikinci böyük şəhəri olan Gəncə şəhəri beynəlxalq səviyyədə qadağan edilmiş “Skad” raket qurğusundan atəşə tutulub. Nəticədə ümumilikdə 63 nəfər həlak olub. Onlardan 18-i qadın, 8-i uşaq olub, 292 nəfər yaralanıb. Onlardan 69-u qadın, 32-si uşaq olub, 1981 yaşayış evinə, 90 çoxmərtəbəli binaya və 386 mülki infrastruktur obyektinə külli miqdarda ziyan dəyib.
Diqqətə çatdırılıb ki, Ermənistan tərəfindən Azərbaycanın işğal olunmuş ərazilərində aparılan döyüş əməliyyatlarına xarici ölkələrin muzdlu döyüşçülərinin cəlb edilməsi, həmçinin dünya terror tarixində həmişə ön sırada olan “ASALA” terror təşkilatının üzvlərinin də iştirak etmələri müəyyənləşdirilib.
Görüşdə qarşılıqlı maraq kəsb edən mövzular ətrafında faydalı fikir mübadiləsi aparılıb.шаблоны для dle 11.2