“Amerikanın səsi” xəbər verir ki, Dövlət Departametninin sözçüsü Cen Psaki əvvəlcə “Xural” qəzetinin həbsdə olan baş redaktoru Əvəz Zeynallının məsələsinə diqqət çəkib. O deyib ki, Əvəz Zeynallının jurnalist fəaliyyəti hökumət orqanlarında korrupsiyanın ifşa olunmasına, insan haqları və mətbuat azadlığının işıqlandırılmasına yönəlib.

Qeyri-hökumət təşkilatlarının Əvəz Zeynallını “siyasi məhbus” hesab etdiyini bildirən Cen Psaki deyib: “Biz Azərbaycan hökumətini azad və plüralist mediaya hörmət etməyə və Əvəz Zeynallını azadlığa buraxmağa səsləyirik”.

Əvəz Zeynallı 2011-ci il oktyabrın 28-dən həbsdədir. O, 9 il müddətinə azadlıqdan məhrum edilib.