15 saylı Yasamal birinci seçki dairəsindən deputatlığa namizəd Ülvi Quliyevin təbliğat-təşviqat kampaniyası davam edir.

Mediatv.az-a Seçki qərargahından verilən məlumata görə, təbliğat-təşviqat kampaniyasına qalan son 3 gün müddətində deputatlığa namizədin komandası tam gücü ilə işləyəcək.
“Ülvi Quliyev vaxtilə peşəkar idmançı olduğundan onun üçün “Mübarizə sonadək” əsas xətdir. Ona görə də Ülvi Quliyevin komandası da bu devizi istiqamət götürüb. Qalan 3 gün ərzində komanda dairənini bütün ərazisində geniş təbliğat kampaniyası aparacaq. Biz bununla seçicilərlə bir yerdə olduğumuzu və onlarla işləməyin bizə zövq verdiyini göstərəcəyik. Kampaniya dövründə hər bir seçici ilə təmas qurmağa çalışdıq və nəticələr də buna nail olduğumuzu göstərir”.

Qeyd edək ki, Ülvi Quliyevin seçki təbliğatı dövründə görülən işlər və eləcə də onun şəxsi nüfuzu, tanınmış şəxs olması 15 saylı Yasamal birinci seçki dairəsində olan insanların böyük rəğbətinə səbəb olub və əksəriyyət birmənalı olaraq ona səs verəcəyini deyir.