Bu gün Gürcüstan parlamentində əlbəyaxa dava düşüb.

Virtualaz.org saytı “Qruziya online” portalına istinadən xəbər verir ki, deputatlar Dato Lortkipanidze ilə Akaki Minaşvili arasındakı dava plenar iclasın başlanmasından az əvvəl baş verib.

Dava-dalaşa səbəb parlamentin binasının önündə keçirilən aksiya olub. Həmin aksiya “Azad zona” və “Milli hərəkat” hərəkatları tərəfindən “Rustavi-2” telekanalına dəstək məqsədilə keçirilir. Deputatlar arasındakı yumruq davası isə parlamentin iclas zalında olub.

Bu vaxta qədər isə aksiya iştirakçıları ilə Lortkipanidze arasında toqquşma olub. Həmin davanı polis yatırıb.

Digər deputatların müdaxiləsindən sonra ara sakitləşib və parlamentin iclası başlayıb.