Bu gün Azərbaycan Milli İstiqlal Partiyasının (AMİP) Siyasi Şurasının növbəti iclası keçirilib.

Mediatv.az xəbər verir ki, bu barədə AzNews.az-a sözü gedən partiydan məlumat verilib. İclasda partiya rəhbərliyinin son günlər ərzində Avropa Birliyinin Azərbaycan nümayəndəliyinin rəhbəri, Böyük Britaniyanın və ABŞ-ın Azərbaycandakı səfirləri, AŞPA-nın seçkiləri müşahidə missiyasının üzvləri ilə görüşləri, eləcə də parlament seçkilərinə hazırlıqla bağlı məsələlər, imza toplama kompaniyası və ayrı-ayrı seçki dairələri üzrə mövcud durum barədə müzakirələr aparılıb.

Tədbirdə ATƏT DTİHB-nin seçkilərə müşahidə missiyası göndərməkdən imtina qərarı iclas iştirakçıları tərəfindən təəssüf hissi ilə qeyd edilib. Siyasi şura üzvləri və bəzi namizədlər mövcud şərtlər daxilində seçkidə iştirakın lüzumsuzluğu barədə fikirlər səsləndiriblər. Sonda AMİP namizədlərin seçkilərdə iştirakı məsələsinə yenidən baxılması ilə bağlı qərar verib .