İyulun 29-da Şəkidə ictimai fəal Razim Rzayevi polis saxlayıb. Bu barədə AXCP-nin Şəki şöbəsinin rəhbəri Rauf Əbdülrəhmanlı məlumat verib.

İyulun 29-da gecə yarısınadək Razim Rzayevin dostları, o cümlədən Rauf Əbdülrəhmanlı yerli polis şöbəsinin rəis müavini ilə görüşsə də, saxlanma haqda heç bir məlumat ala bilməyib.

Eyni zamanda, Şəki Rayon Polis Şöbəsindən "Azadlıq" radiosuna deyiblər ki, onlarda Razim Rzayev adlı şəxsin saxlanması haqda heç bir məlumat yoxdur. Halbuki, həmin vaxt Razim Rzayev şöbədə olub.

İyulun 30-u səhər saatlarında Razim Rzayev Şəki şəhər məhkəməsinə gətirilib. Onun məhkəməsi arada iki dəfə fasilə verilməklə təxminən 9 saat çəkib. Sonda məhkəmə Razim Rzayevya 6 sutkalıq inzibati həbs cəzası verilməsinə dair qərar çıxarıb.

Qeyd edək ki, Razim Rzayev REAL Hərəkatının Nuxa El Məclisinin rəhbəridir.