Mediatv.az-a Daxili İşlər Nazirliyinin mətbuat xidmətindən verilən məlumata görə, hadisə avqustun 1-də Şəki rayonun Aşağı Göynük kəndində qeydə alınıb. Rayon sakini İkram Kərimov xuliqanlıq zəminində pnevmatik tüfəngdən atəş açaraq həmyerlisi Rəhman Əlfətova ayaq nahiyəsindən xəsarət yetirib.

Şəki Şəhər-Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində İ.Kərimov tutulub. Ondan müvafiq sənədləri olan “Striker” markalı pnevmatik tüfəng götürülüb.