Ey uzaq ümidləri
Həqiqətə çevirən.
Zülmün səltənətini
Bir yumruqla devirən.
Düşmənin bayrağını
Torpaqlara saldıran.
Vətənimin adını
Zirvələrə qaldıran,
Biz əmrinə müntəzir
Sən ey milli qəhrəman-
Ey Ali Baş Komandan!

Sən döyüş meydanında
Yenilməz sərkərdəsən.
...Bəlkə də sən İsasan,
Bəlkə də Mehdi sənsən.
Tanrı göndərib səni
Xalqı xilas edəsən.
Əmr et hücuma keçək
Keçək bu yolda candan.
Ey yenilməz qəhrəman-
Ey Ali Baş komandan.

Analar oğul deyir,
Bacılar qardaş sənə.
-Gəl, ey xilaskar,-deyir
Hər qaya, hər daş sənə.
Uzaqlardan hay verir
Minlərlə yurddaş sənə.
Xalq sənin ətrafında
Yumruq kimidir inan.
Yaşa, yaşa, min yaşa,
Ey Ali Baş Komandan.

Bu zəfər yürüşündə
Tək deyil Azərbaycan.
Bir yanında Türkiyə
Bir yanında Pakıstan.
Azadlığa qovuşur
Şuşa, Laçın, Zəngilan...
Qarşıdasa yol uzun-
Qarşıda nəhəng Turan.
Ora bayraq sancacaq
İlham ilə Ərdoğan.
Yaşa, yaşa, min yaşa
Ey Ali Baş Komandan.
                                   İbrahim Quliyevшаблоны для dle 11.2