Ali Baş Komandan Azərbaycan Ordusunun döyüşlərdə Ermənistana məxsus məhv etdiyi hərbi texnikanın bir hissəsini açıqlayıb.
Mediatv.az verdiyi xəbərə görə, Prezident İlham Əliyev bildirib ki, sentyabrın 27-dən bəri düşmənin xeyli sayda hərbi texnikası məhv edilib: “241 ədəd tank məhv edilib, 39 tank hərbi qənimət kimi götürülüb. Toplam 280 tank, amma hələ də tanklar var. Hardandır bu qədər tank? Biz sonra bu tankların nümayişini edəcəyik. 39 tank saz vəziyyətdə götürülüb və bu gün bizim əsgərlərimiz o tanklarda oturub düşmənə onların öz tankları ilə atəş açırlar.
 
Piyadaların 50 ədəd döyüş maşını məhv edilib, 24-ü hərbi qənimət kimi götürülüb və bu gün bizim əlimizdədir. Özüyeriyən artilleriya qurğusundan 17-si məhv edilib. 198 ədəd top, 58 minaatan məhv edilib, 12 minaatan və 25 qumbaraatan hərbi qənimət kimi götürülüb. 53 tank əleyhinə vasitə, 70 QRAD qurğusu məhv edilib.
2 ədəd “Uraqan”, 2 YARS, 1 ədəd “TOS”, 4 ədəd “S-300” zenit raket kompleksi məhv edilib. Son dəfə mən Azərbaycan ictimaiyyətinə çatdıranda 2 ədəd “S-300” məhv edilmişdi, bu gün artıq 4 kompleks məhv edilib. Hər bir kompleksin, hər bir qurğunun qiyməti bəllidir, çox bahalı hərbi texnikadır.
3 ədəd “TOR”, 40-a yaxın “ASA”, 5 ədəd “KUB” və “KRUQ” zenit raket kompleksləri, 6 ədəd pilotsuz uçuş aparatı, 2 ədəd “Elbrus” əməliyyat-taktiki raket kompeksi, 1 ədəd ballistik raket, 1 ədəd “Toçka-U”, 8 ədəd radioelektron mübarizə sistemləri  məhv edilib.
198 yük avtomobili məhv edilib. Onlardan 15-i hərbi sursatlarla dolu olub. 102 yük avtomobili qənimət kimi götürülüb. Biz düşmənin hərbi texnikasını bundan sonra da məhv edəcəyik, olan-qalanı da məhv ediləcək”.шаблоны для dle 11.2