Azərbaycan Respublikası Dövlət Neft Şirkətinin “Azəriqaz” İstehsalat Birliyi məhkəməyə müraciət edərək “Azəristiliktəchizat” Açıq Səhmdar Cəmiyyətinə qarşı məhkəmə iddiası qaldırıb.

Mediatv.az-ın Qafqazinfo-ya istinadən verdiyi xəbərə görə, “Azəriqaz” əks tərəfdən istifadə etdiyi təbii qaza görə yaranmış borcun ödənilməsini tələb edib.

1 saylı Bakı İnzibati İqtisad Məhkəməsinin qəbul etdiyi qətnamə ilə iddia təmin edilib və “Azəristiliktəchizat”ın üzərinə borcu ödəmək öhdəliyi qoyulub.

Lakin cavabdeh tərəf qərarla razılaşmayıb və apellyasiya şikayəti verib.

Hazırda iş üzrə Bakı Apellyasiya Məhkəməsində proses davam etdirilir. İşə hakim Elmira Nağıyeva sədrlik edir. Növbəti iclas aprelin 25-də keçiriləcək.