Rusiya İxrac Mərkəzi (RİM) üç ölkədə - Hindistan, İndoneziya və Azərbaycanda öz nümayəndəliklərini açmağı planlaşdırır. 

Mediatv.az TASS agentliyinə istinadla xəbər verir ki, bunu RİM qrupunun icraçı direktoru Aleksey Tyupanov bildirib.

A.Tyupanov deyib: “2016-cı ildə biz altı nümayəndəlik açmışıq. 2017-ci ildə Hindistan, İndoneziya və Azərbaycanda, yəni Rusiya ixracının inkişafı üçün böyük potensial mövcud olduğunu yəqin etdiyimiz ölkələrdə nümayəndəliklər açmağı planlaşdırırıq”.

RİM 2017-ci ildə xarici dövlətlərdə bu mərkəzin 45 məntəqəsini də təşkil etmək fikrindədir.