“Qeyri-neft ixracının 45%-i MDB dövlətləri və Gürcüstanın, 26%-i Türkiyənin, 12%-i Avropa İttifaqı ölkələrinin, 4%-i Çinin, 13%-i isə digər ölkələrin payına düşüb”.

Mediatv.az APA-ya istinadən xəbər verir ki, bunu İqtisadiyyat naziri Şahin Mustafayev qeyri-neft ixracatçılarının Yevlaxda keçirilən respublika müşavirəsində deyib.

“Bununla belə, etiraf etmək lazımdır ki, müsbət meyillərə baxmayaraq, iqtisadi potensialımız nəzərə alındıqda, qeyri-neft ixracının həcmi arzuolunan səviyyədə deyil”.

Onun sözlərinə görə, təhlillər göstərir ki, bəzi kimya məhsulları, qara metal və alüminium, elektrik avadanlıqları, mebel, şərab, şirələr, meyvə-tərəvəz, pambıq, tütün, fındıq, barama, xalça və bir sıra digər məhsullar üzrə ixracın genişləndirilməsi üçün xüsusilə böyük imkanlar mövcuddur.