Şimali Koreyanın lideri Kim Çen In balaca bacısını ərə verib. 

“Mediatv.az”ın Musavat.com-a istinadən verdiyi xəbərə görə, bu barədə Cənubi Koreya agentliyi "Renxap" Çində olan mötəbər mənbə"sinə istinadən xəbər yayıb (ŞKXDR qapalı ölkə olduğundan buradan ən adi xəbərləri belə birbaşa almaq mümkün deyil).

Xəbərdə bildirilir ki, ölkə başçısının 28 yaşlı bacısı Kim E. Çjon Koreyanın hakim Əmək partiyasının mərkəzi komitəsinin katibinin oğlu ilə ailə həyatı qurub. 

Agentlik bildirir ki, Kim Çen Inın qudası Soy Ren Xe nüfuzuna görə ölkədə ikinci adamdır və onun evlənən kiçik oğlu Soy Sonun 30-dan bir az artıq yaşı var. Oğlanın hansı vəzifənin yiyəsi olduğu barədə xəbər verilmir. Kim E.Çjonun özü isə Əmək partiyasının mərkəzi komitəsində bölmə rəisidir. 

Yanvarın 2-də Şimali Koreya mediası Pxenyanda uşaq evinin ziyarəti zamanı qardaşını müşayiət etdiyi barədə şəkilli xəbər yayıb. Şəkillərdən birində qızın barmağında nişan üzüyü görünüb.