Türkiyə Prezidenti Rəcəb Tayyib Ərdoğanın İdlibdə rejimin koronavirus pandemiyasını fürsətə çevirərək atəşkəsi pozması ilə bağlı açıqlaması bölgəni yenidən gündəmə gətirib.
Mediatv.az xəbər verir ki, bu barədə “Yeni Akıt” nəşri məlumat yayıb.
Bildirilib ki, rejim gücləri tez-tez Lazkiyənin şimalında və Türkiyə sərhədinə yaxın nöqtələrdə atəşkəsi pozur.
Əsasən də Cəbəl ət-Türkman, Cəbəl əz-Zaviyə, Ət-Tuffahiyah və İdlibin cənubunda yerləşən qəsəbələrə hücumlar edilir.
Məlumata görə, rejim qüvvələri bu bölgəyə top və raket zərbələri endirir.
Nəşr yazır ki, rəsmi Ankara Əsəd rejiminin bölgədəki fəaliyyətlərini və atəşkəs rejiminin pozulmasını yaxından izləyir və bu barədə məlumatları rusiyalı həmkarları ilə bölüşür.шаблоны для dle 11.2