Kimya üzrə Nobel mükafatına layiq görülən türkiyəli alim Əziz Sançar sabah Türkiyə prezidenti Rəcəb Tayyib Ərdoğanla görüşəcək.

Mediatv.az Türkiyə mətbuatına istinadən xəbər verir ki, alimin özü bu haqda hava limanında jurnalistlərə açıqlama verib. Əziz Sançar açıqlamasında həmçinin türk xalqına və Ərdoğana dərin təşəkkürünü bildirib. “Allah Ərdoğandan razı olsun” deyərək sabahkı görüş barəsindəki təəssüratlarını jurnalistlərlə bölüşüb.
Qeyd edək ki, 2015-ci ildə kimya nominasiyası üzrə Nobel mükafatına layiq görülən Əziz Sançar bu həftə ərzində Türkiyənin bir sıra rəsmi şəxsləri ilə görüşəcək.