ABŞ-ın Ohayo ştatında “Hawker 25”  təyyarəsinin qəzaya uğraması nəticəsində 9 nəfərin öldüyü təsdiqlənib.

APA-nın TASS agentliyinə istinadən verdiyi məlumata görə, təyyarə noyabrın 10-da Ekron yaşayış məntəqəsinin hava limanına eniş etməyə cəhd edərkən yaşayış evinə çırpılıb.

Təyyarənin göyərtəsində 2 pilot və 7 nəfər daşınmaz əmlak şirkətinin əməkdaşları olub.

Qeyd olunur ki, hadisə zamanı yaşayış binasında xoşbəxtlikdən heç kim olmayıb.