Bu gün Ermənistanın Baş naziri Nikol Paşinyan Rusiya Prezidenti Vladimir Putinə doğum günü münasibətilə təbrik məktubu göndərib.
Paşinyan məktubunda xüsusilə vurğulayıb ki, o, “İrəvan və Moskva arasında qarşılıqlı faydalı fəaliyyətin birgə aktivləşdirilməsini, həmçinin qarşılıqlı anlaşma, etimada əsaslanan və dövlətlərimizin maraqlarını nəzərə alan çoxsəviyyəli dialoqun inkişafını” gözləyir.Rusiya Federasiyasının Prezidenti bu gün 72 yaşını qeyd edir.
Qeyd edək ki, bu gün Moskvada MDB-yə üzv dövlətlərin Başçıları Şurasının iclası keçiriləcək, axşam isə liderlər Putinin şərəfinə verilən ziyafətdə iştirak edəcəklər. Paşinyan Moskvaya getməyib, xarici işlər naziri Ararat Mirzoyan isə MDB Xarici İşlər Nazirlər Şurasının iclasında iştirak etmək üçün Moskvadadır.