Səudiyyə Ərəbistanında rəsmi səfərdə olan Türkiyənin prezidenti Rəcəb Tayyib Ərdoğan ümrə ziyarəti üçün Məkkə şəhərinə gedib. 

“Mediatv.az” anspress-ə istinadən xəbər verir ki, Ərdoğan və bərabərindəki heyət geniş təhlükəsizlik tədbirləri altında Hərəmi Şərifə daxil olub.  Bütün xəbərdarlıqlara baxmayaraq zəvvarlar Türkiyə prezidentini alqışlarla qarşılayıb.  Bundan başqa bəzi zəvvarlar Ərdoğan üçün dəstək şüarları səsləndiriblər. 

Qeyd edək ki, Rəcəb Tayyib Ərdoğanla yanaşı ölkənin birinci xanımı Əminə Ərdoğan, baş nazirin müavini Yalçın Akdoğan və Numan Kurtulmuş, iqtisadiyyat naziri Nihat Zeybekçi və xarici işlər naziri Mövlud Çavuşoğlu da ümrə ziyarətində olublar.