ABŞ Prezidenti Co Baydenin administrasiyası bu yaxınlarda ölkə səmasında bir neçə uçan obyektin aşkar edilməsi ilə bağlı qurumlararası qrup yaradır.

Mediatv.az xarici mediaya istinadən xəbər verir ki, bu barədə məlumatı Ağ Ev yayıb.

Sözügedən qrupun əsas vəzifəsi uçan obyektlərlə bağlı məsələni daha dərindən araşdırmaq olacaq.

Bununla yanaşı, ABŞ rəhbərliyinin ölkənin hava məkanının monitorinqini gücləndirəcəyi və tərəfdaşlarla məsləhətləşmələri davam etdirəcəyi bildirilir.

Xatırladaq ki, ABŞ fevralın 4-dən bu günə qədər Şimali Amerika üzərində 4 ədəd uçan obyekt vurub. Bu obyektlərin birinin Çinin kəşfiyyat şarı olduğu deyilsə də, digər 3 obyektin nə olduğu hələ ki naməlum olaraq qalır. Hazırda bu istiqamətdə araşdırmalar davam etdirilir.