Mediatv.AZ Axar.az-a istinadən xəbər verir ki, bu sözləri İngiltərənin “Tayms” (“The Times”) qəzetinə açıqlama verən 19 yaşlı İŞİD üzvü deyib. Böyük Britaniyada təhsil alan və bir müddət öncə Suriyaya “İslam dövləti” terror təşkilatının sıralarında döyüşməyə gedən gənc terrorçu, Almaniya vətəndaşı Kristian Emde “gün gələcək, Avropa uğrunda vuruşacağıq” deyə bəyan edib.

O, həmvətənlərinə “İslam dövləti”nin hücumuna hazır olmağı da məsləhət görüb.

Kristian Emde deyib ki, xristianlar və yəhudilər “İslam dövləti”ndə rahat yaşaya bilərlər, bir şərtlə ki, can vergini ödəsinlər: “Amma dünyadakı heç bir şiənin yaşamaq haqqı yoxdur və onlar mütləq öldürüləcək”.

Dünyada 150 milyondan artıq şiənin yaşadığını xatırladanda isə İŞİD terrorçusu deyib: “150, ya 500 milyon, heç bir fərq etməz, hamısını öldürəcəyik”.

Xatırladaq ki, MKİ-nin son məlumatına görə, hazırda İŞİD sıralarında 30 min terrorçu birləşib.