Bir neçə gün bundan əvvəl paytaxtda restoranların birində toy zamanı qalmaqal qopub

Bir neçə gün bundan əvvəl Bakıda restoranların birində toy zamanı qalmaqal qopub. Qalmaqal elə toyda iştirak edən qohumlar arasında yaranıb.

Belə ki, toyda iştirak edən qonaqlardan biri sərxoş vəziyyətdə rəqs edib. Qısa ətəkli bir qadın da həmin şəxsin yanında oynayan zaman həmin şəxs ona söz atıb. Qadın əsəbləşib və musiqi bitdikdən sonra onunla birlikdə toyda iştirak edən qohumuna bu barədə bildirib.

Qadına söz atan şəxsə “qulaqburması” vermək istəyən kişi əvvəlcə məsələni dinc yolla həll etmək istəyib. Sadəcə qarşısındakının eyni tonda danışması ona xoş təsir etməyib və məsələni güc yolla həll etmək istəyib. Nəticədə toyda böyük qalmaqal yaşanıb. İnsident sonradan əlbəyaxa davaya çevrilib.

Toyda iştirak edən ağsaqqalların müdaxiləsindən sonra dava edənlər sakitləşdirilib. Xoşbəxtlikdən hadisə zamanı xəsarət alan olmayıb. Hüquq-mühafizə orqanlarının toyda baş verən insidentdən xəbəri olmayıb.