APA TV-nin məlumatına görə, Tahir Sahibovun idarə etdiyi "Tofaş" markalı avtomobil iki avtomaşına çırpıldıqdan sonra aşıb. "Tofaş" Hövsan qəsəbəsinə doğru hərəkətdə olarkən qarşıdan gələn "Mercedes" markalı avtomobillə toqquşub. Toqquşmadan sonra "Tofaş"ın sürücüsü idarəetməni itirib və maşını "BMW" markalı başqa bir avtomobilə çırpıb. Nəticədə "Tofaş" yol kənarındakı yarğana aşıb.

"Mercedes"in sürücüsü "Tofaş"ın yüksək sürətlə hərəkət etdiyini və başqa bir maşınla yarışdığını bildirib.

Amma "Tofaş"ın sərnişini Emin Rəsulov qəzaya səbəb kimi yola piyada çıxmasını göstərib və avtomobilin sürətinin yüksək olmadığını bildirib.

Faktla bağlı araşdırma aparılır. Səslənən iddialardan hansının həqiqətəuyğun olduğu araşdırmalardan sonra məlum olacaq.

"Tofaş"ın vurduğu BMW markalı avtomaşın isə yol polisi və sığorta şirkətinin əməkdaşlarını gözləmədən hadisə yerini tərk edib.

Qeyd edək ki, qəza nəticəsində xəsarət alan olmasa da, avtomobillərə ciddi ziyan dəyib.