Bir müddət öncə Sabunçuda icra başçısı Adil Vəliyevin oğlu Ənvər Vəliyvevin şirkətinin həyata keçirdiyi tikintidə dəhşətli hadisə baş verib

Təqribən bir ay əvvəl "Stansiya Razin" adlandırılan ərazidə tikilən yeni binada işləyən fəhlə 9-cu mərtəbədən yıxılaraq ölüb. Lakin Sabunçu rayon İcra Hakimiyyətinin başçısı Adil Vəliyev ölüm faktını gizlətməyə nail ola bilib.

Bu barədə PİA.AZ-a ünvanlaranan məlumatda bildirilir. Məlumata əsasən təqribən bir ay əvvəl Sabunçu rayonu, Bakıxanıov qəsəbəsində inşa olunan 10 mərtəbəli binadan cavan fəhlə yıxılaraq ölüb. Bildirilir ki, fəhlənin ailəsi Gədəbəydə yaşayır. Tikintini idarə edən Zöhrab Quliyev adlı şəxsin Sabunçu rayon İcra Hakimiyyətinin başçsı Adil Vəliyevin qohumu olduğu və bu üzdən də icra başçısının ölüm hadisəsinin araşdırılmasının qarşısını alıb və faktı hüquq-mühafizə orqanlarından gizli saxlanılmasına nail ola bilib. Həmçinin bildirilir ki, icra başçısı həyatını itirən fəhləninin ailəsini şikayətçi olmamağa razı sala bilib.

Məlumatda qeyd olunur ki, hadisə baş verən tikinti icra başçısı Adil Vəliyevin oğlu Ənvər Vəliyevə məxsus olub. Tikintiyə nəzarəti isə Vəliyevlərə qohum olan Zxhrab Quliyev həyata keçirib. Bildirilir ki, ölüm hadisəsi tikintidə təhlükəsizlik qaydalarına riayaət olunmaması səbəbi ilə baş verib. Məlumatda o da qeyd olunur ki, ölüm hadisəsinin baş verməsinə baxmayaraq hadisədən sonra tikintidə heç bir təhlükəsizlik tədbiri görülməyib.

Zöhrab Quliyevə gəlincə isə, mənbə bildirir ki, icra başçısı Adil Vəliyevin qohumu olan bu şəxs Sabunçuda bir çox tikinti və abadlıq işlərinə nəzarəti həyata keçirdiyi bildirilir.

Yazıda adı keçən şəxslərin mövqyeini dərc etməyə hazırıq…