Sentyabrın 10-da Astara rayonunun Tüləküvan kəndi ilə Şəmətük və Xıçaso kəndlərini birləşdirən, rayon mərkəzi ilə əlaqəni təmin edən Pensərçay üzərində salınmış yeni körpünün açılış mərasimi keçirilib. APA-nın cənub bürosunun məlumatına görə, Astara RİH-nin başçısı Qəzənfər Ağayev rayonun ən ucqar yaşayış məntəqələrində sakinlərin sosial məsələlərin həllinin daim diqqət mərkəzində olduğunu, Tüləküvan kənd tam orta məktəbinin təmirinin başa çatdırıldığını, kəndin  qazlaşdırlmasının sürətlə davam etdiyini, yaxın vaxtlarda elektrik təsərrüfatının yeniləşməsinə başlanılacağını, Tüləküvan-Şəmətük yolunun da gələn il asfaltlaşdırılmasının nəzərdə tutulduğunu diqqətə çatdırıb.