Bakı Dövlət Universitetində (BDU) TEMPUS layihəsi çərçivəsində növbəti tədbir keçirilib. 

BDU-dan “Qafqazinfo”ya verilən məlumata görə, bu ali məktəbdə “İKT klub” yeni layihəyə başlayıb. Layihəyə əsasən, tələbə həmkarlar ittifaqı komitəsinin dəstəyi ilə “İKT klub”un üzvlərinə ödənişsiz dərslər keçiriləcək.

Tədbirdə “İKT klub”un rəhbəri Emil Vəliyev yeni layihə haqqında ətraflı məlumat verib. Qeyd olunub ki, təlimdə iştirak edənlərə sertifikatlar veriləcək. Eyni zamanda, dinləyicilərin fikirlərini öyrənmək məqsədilə onlara sorğu anketləri paylanılıb. Anketlərdə dinləyicilərin İKT sahəsində Java, Oracle fundamentals,C#,Kompyuter şəbəkələri ixtisasları yer alıb.

Dərslərin keçirilməsinin vaxtı yaxın günlərdə açıqlanacaq.