Bu barədə virtualaz.org saytına nazirlikdən məlumat veriblər. Xəbərdə deyilir ki, səhiyyə nazirinin müavini Nigar Əliyeva “Azərbaycan Respublikası əhalisinin tibbi müayinələrdən keçirilməsi barədə” sərəncam imzalayıb. Sərəncama əsasən bu ay “Sağlamlıq ayı” elan olunub. Artıq əhalinin icbari tibbi dispanzerizasiyasına start verilib.

Qeyd edək ki, “Sağlamlıq ayı” martın 31-dək davam edəcək. Əhalisinin tibbi müayinələrdən keçirilməsi üçün şəhər və rayonlarının tibb idarə və müəssisələrinin rəhbərlərinə tapşırıqlar verilib. Tapşırığa əsasən, əhalinin tibbi müayinələrdən keçirilməsinin icrası şəxsi nəzarətə götürülməli, qeyd olunan müddət ərzində görülmüş işlər barədə məlumatların hər 10 gündən bir və yekun məlumat Səhiyyə Nazirliyinə təqdim edilməlidir.

Xatırladaq ki, ötən il respublika üzrə 5.240,000 nəfər tibbi müayinələrdən keçirilib. Müayinələrdən keçmiş əhalinin yalnız 10 faizində xəstəlik aşkarlanıb.