“Mən Tərtərdə, Gəncədə və digər şəhərlərimizdə olan tanışlarla, dostlarla şəxsən əlaqə saxlamışam. Onların əzmi, əhval-ruhiyyəsi çox yüksəkdir. Hər kəs öz evindədir və hər kəs də torpaqlarımızın azad olunması uğrunda bu mübarizədə Ali Baş Komandanın hər bir əmrinə hazırdır”.
Mediatv.az xəbər verir ki, bunu Azərbaycan Prezidentinin köməkçisi-Prezident Administrasiyasının Xarici siyasət məsələləri şöbəsinin müdiri Hikmət Hacıyev bugünkü brifinqdə bildirib. O, həmçinin qeyd edib ki, Azərbaycan Ordusu Ali Baş Komandanın əmri altında öz rəşadətini göstərib: “Çox ağır relyef şəraitində mövcud olan istehkamları keçərək keçmiş adı Madagiz olan Suqovuşan istiqamətində nailiyyətlər əldə edilib. Bu, hər birimizi sevindirir, qələbələrimiz bundan da çox olacaq. Məqsədimiz Azərbaycanın işğal olunmuş ərazilərinin işğaldan azad etməkdir”.шаблоны для dle 11.2