Azərbaycan Ordusunun uğurlu əks-hücum əməliyyatları davam edir.

Modern.az saytı xəbər verir ki, Qarabağı Ermənistana birləşdirən yeganə fəaliyyətdə olan yol – Gorus-Xankəndi yolu darmadağın edilib. Yolun Laçın rayonunu mərkəzinə gedən hissəsində, işğal altındakı Aşağı Sus kəndi yaxınlığında Həkəri çayı üzərindəki körpü Azərbaycan Ordusunun pilotsuz uçuş aparatları tərəfindən məhv edilib.

Beləliklə, Ermənistandan Qarabağa canlı qüvvə və s. təchizatı təmin edən Gorus-Xankəndi yolunda hərəkət tamamilə dayanıb. Hazırda əraziyə tələsik cəlb olunan erməni mühəndisləri körpünün bərpası üçün işlərə başlayıb.