ABŞ prezidentinin milli təhlükəsizlik məsələləri üzrə müşaviri Con Boltonyaxın vaxtlarda Ermənistan və Azərbaycana səfər edəcək. 

Mediatv.az  xəbər verir ki, bununla bağlı “Sputnik Ermənistan” politoloq Suren Sarkisyana istinadla məlumat yayıb. 

O bildirib ki, səfər müşavirin təşəbbüsü ilə həyata keçiriləcək. 

“Vaşinqtonun nüfuzlu şəxslərindən biri iki həftədən sonra Rusiya, Ermənistan, Azərbaycan və Gürcüstana səfər edəcək. Bu, Ermənistan üçün ikitərəfli gündəliyə baxılmasında imkanlar yaradacaq”, - ekspert deyib. 

Sarkisyan əmindir ki, erməni tərəfi “ciddi məsələləri” Bolton vasitəsilə həll etməyə qərar verib.