Türkiyənin Ədalət və İnkişaf Partiyası (AKP) yeni seçilmiş parlamentə sədrlik üçün öz namizədini açıqlayıb. Lent.azsozcu.com.tr-yə istinadən xəbər verir ki, baş nazir Əhməd Davudoğlu hazırda ölkənin milli müdafiə naziri naziri vəzifəsini icra edən İsmet Yılmazın namizədliyini irəli sürüb. Ə.Davudoğlu keçirdiyi mətbuat konfransında partiyanın qərarını açıqlayıb.

Qeyd edək ki, 54 yaşlı İ.Yılmaz Sivasdan millət vəkili seçilib. O, 4 ildir ki, ölkənin milli müdafiə naziri vəzifəsini tutur.

Onu da qeyd edək ki, müxalifət partiyalarından CHP parlament sədrliyinə partiyanın sabiq sədri Dəniz Baykalın, MHP prezidentliyə keçmiş namizəd Ekmeleddin İhsanoğlunun, HDP isə AKP-nin qurucularından olan Dengir Mir Mehmet Fıratın namizədliyini irəli sürüb.