“O jurnalist deyil. Mən həmin insanı kenquru adlandırmışam."

Problem (17-08-2015, 17:09)
“O jurnalist deyil. Mən həmin insanı kenquru adlandırmışam."

Müğənni Röya Ayxan media nümayəndələri ilə görüşüb

Avqustun 21-də və 22-də baş tutacaq konserti ilə bağlı sualları cavablandıran sənətçi digər mövzulara da toxunub.

R.Ayxan bir müddət əvvəl juranlist İsa Şükürovla arasında baş verən qalmaqaldan da bəhs edib. O, sosial şəbəkədə jurnalistlərin ünvanına yazdığı “kenquru” ifadəsinə aydınlıq gətirib:

“O jurnalist deyil. Mən həmin insanı kenquru adlandırmışam. Bu ifadəm başqalarına xas deyil. Əgər kimsə bu sözü öz üzərinə götürübsə, hamıdan üzr istəyirəm. İnstaqram mənim öz səhifəmdir. Orada gülmək üçün paylaşdığım nəyisə götürüb, xəbər edirlər. Əgər o mənim sənətimə nəsə söz desəydi hə. Amma söhbəti başqa yönə çəkdi. Belə getsə İnstaqramımı da bağlayacam”.

Qeyd edək ki, sənətçi idmançı görünüşlü kişi və qadın şəklini səhifəsinə yerləşdirərək həmkarı, əməkdar artist Abbas Bağırova müraciət edib:

"Abulya, deyirəm, gəl ikimiz məşq edib "boyavik" klip çəkdirək".

Publika.az saytı isə Röyanın bu sözlərlə bir müddət öncə idmançı Ceyhun Vəliyevlə məşq zamanı fotosessiya etdirən xalq artisti Aygün Kazımovaya atmaca atdığını iddia edib.

Bununla bağlı portalda "Dilini dinc qoymayan Röya yenidən Aygün Kazımovaya sataşdı" başlıqlı yazı hazırlanıb.

Röya isə buna cavab olaraq İnstaqramdakı hesabından sərt fikirlər paylaşıb. O, media orqanı və onun müxbirini təhdid edib. Sənətçi bildirib ki, yazını İsa Şükürov adlı jurnalist yazıb. O, həmin müxbiri sosial şəbəkədə təhqir edib:

"Bu məqaləni yazan siçovul, sənə səslənirəm. Röya sataşmır, tutur və üzünə tüpürür. Necə ki, sənə tüpürəcəm. Öz dostumuzla zarafat etməyək ki, birdən yozarlar? Paylaşdığım foto Abbasa görə idi. Çünki bizlə yeməyə getmir, hər dəfə “idmandayam” deyir. Ona sataşırdım. Mən dilimi dinc qoysam, sənin acından dişin tökülər, ay kenqurular, yazanda bilin nə yazırsınız. Camaat oxuyur və elə bilir işimiz-gücümüz yoxdur, bir-birimizə baxırıq. Bunu yazan soxulcanı isə boğacağam.

Bu oğlan yadınızdadır? Bir dəfə belə qələt etmişdi, sən demə bu yazını da o yazıb. Ay bala, səni işdən də bayıra atdılar. Sakitləşmədin? Gərək gecənin bir yarısı səni küçədə telefona çəkim?".

Problem (17-08-2015, 17:09) “O jurnalist deyil. Mən həmin insanı kenquru adlandırmışam."

Problem (17-08-2015, 17:09)
“O jurnalist deyil. Mən həmin insanı kenquru adlandırmışam."