Türkiyənin Adana vilayətində Bakı-Tbilisi-Ceyhan (BTC) boru kəmərindən neft oğurlanması faktı üzə çıxıb.

Mediatv.az bu barədə “Anadolu” agentliyinə istinadən xəbər verir.  

Neftin təzyiqi azaldıqdan sonra istintaq başlayıb, bu, Ceyhan terminalının işçilərinə oğurluq faktını müəyyən etməyə imkan verib. 

Cinayətkarlar nefti BTC boru kəmərinin Sarıçam rayonundan keçən hissəsində kəsik vasitəsilə oğurlayıblar. 

Oğurlanan neft avtosisternə doldurulub, daha sonra cinayətkarlar həmin avtosistern ilə hadisə yerindən uzaqaşıblar. Hazırda cinayətkarların axtarışı aparılır.