İstanbul prokurorluğu Türkiyə SQ-nin Baş qərargahının 144 əməkdaşının saxlanılmasına dair order verib, onlar islamçı müxalifətçi Fətullah Gülənin təşkilatına aidiyyətliyi olmaqda şübhəli bilinirlər.

Mediatv.az-ın xəbərinə görə, bu barədə Anadolu agentliyi məlumat yayıb. 

Əməliyyat Türkiyənin müxtəlif əyalətlərində aparılıb, artıq 20 şübhəli saxlanılıb. Məlumata görə, onlar FETO üzvlərinin istifadə etdikləri ByLock proqramından istifadə edirlər. 

2016-cı ilin İyul ayının 15-dən 16-na keçən gecə Türkiyədə bir qrup qiyamçı hərbi çevrilişə cəhd edib. Əsas qarşıdurma Ankara və İstanbulda baş verib. 

Ölkə rəhbərliyi qiyamın yatırıldığını bildirib. Hadisə nəticəsində 240 türk vətəndaşı ölüb, 2 mindən çox adam müxtəlif dərəcəli xəsarətlər alıb. Türkiyə hakimiyyəti çevrilişə cəhddə Gülənin təşkilatını günahlandırıblar, onlar ABŞ-dan onun təhvil verilməsini tələb ediblər. Gülən qiyamı pisləyib və ona aidiyyəti olmadığını bildirib.