Amerikalı Betani Mota YouTube, İnstagram, Facebook və Twitter-in  fenomeninə  çevrilib. Onun YouTube-dakı hər videosuna ən azı 1,2 milyon insan baxır. 18 yaşlı Betaninin İnstagram-dakı profilinin 2 milyondan artıq daimi oxuyucusu var.

Bu isə "Vogue", "Elle", "Marie Claire", "Glamour" və "Gosmopoliten" jurnallarının profillərinin toplam oxucu sayından çoxdur. Betani 14 yaşından başlayaraq həmyaşıdları üçün moda, aksessuarlar və kosmetik vasitələrdən bəhs edən videolar hazırlayıb sosial şəbəkələrə yerləşdirir. ABŞ-ın Koliforniya ştatında yaşayan 18 yaşlı Betani 4 il əvvəl videobloqerliyə başlayanda belə populyar olacağını ağlına gətirməyib. "Populyarlığımın səbəbi, yəqin ki, insanlarla səmimi olmağımdadır. Mən indiyədək tamaşaçıları, izləyicilərimi aldatmamışam”- deyən Betani moda sahəsində çalışmaq istədiyini də vurğulayıb. O, bu arzusuna qismən çatıb. Çünki  "Aeropostale" şirkəti Betani Mota ilə anlaşma imzalayaraq "Betani" adlı geyim və zinət əşyaları istehsal edir.