Rusiya KİV-nin yaydığı məlumata görə, Yunanıstan hakimiyyəti Dağlıq Qarabağ münaqişəsində gərginliyin aradan qaldırılmasına kömək etməyə hazır olduğunu bəyan edib və insan tələfatını pisləyib. Belə bəyanatla Yunanıstan Xarici İşlər Nazirliyi (XİN) sentyabrın 28-də Xarici İşlər naziri Nikos Dandiasın ermənistanlı həmkarı Zöhrab Mnasakanyanla telefon danışığından sonra çıxış edib.
«Mnasakanyanla telefon danışığı zamanı Yunanıstan və Ermənistan arasında möhkəm dostluq bağları təsdiqənib. Dendias insan tələfatını pisləyb və Yunanıstanın Dağlıq Qarabağda gərginliyin aradan qaldırılması məsələsinə kömək göstərməyə hazır olduğunu bildirib» - xəbərdə belə deyilir.
Bundan əvvəl Yunanıstan XİN-nin yaydığı bəyanatda deyilirdi ki, bu ölkə Dağlıq Qarabağ bölgəsində gərginliyin artmasını həyəcanla izləyir və «bütün tərəfləri təmkin nümayiş etdirməyə, hərbi əməliyyatları təcili dayandırmağa və ATƏT-in Minsk Qrupu çərçivəsində danışıqlar masasına qayıtmağa çağıır…»
Ötən 30 ilə yaxın dövrdə Ermənistan silahlı birləşmələri Dağlıq Qarabağı və onu ətrafındakı 7 rayonumuzu işğal edəndə, ardınca zaman-zaman Azərbaycana qarşı müxtəlif hərbi təxribatlar törədəndə, dinc əhalimizi atəşə tutanda… balıq kimi susan Yunanıstanın məhz indi, Azərbaycanın öz ərazilərini işğaldan azad etmək istiqamətində müzəffər yürüşə başladığı məqamda bunca fəallıq nümayiş etdirməsi yalnız bircə niyyətdən xəbər verir - DÜŞMƏNÇİLİK!
Bir türk atalar məsəlində deyilir: «İt hürər, karvan keçər». Qoy, hürsünlər, bizlər isə gərək düşmənlərimizi tanıyaq…шаблоны для dle 11.2