Bakıda yeni fırıldaqçılar peyda olub.

Mediatv.az  xəbər verir ki, bu barədə Metbuat.az-a paytaxtda fəaliyyət göstərən geyim mağazalarından birinin sahibi deyib.

Adının açıqlanmasını istəməyən mağaza sahibi bildirib ki, müştəri adı ilə mağazaya daxil olan fırıldaqçılar müxtəlif qiymətlərdə olan iki geyimi (Məsələn, 2 şalvar, 2 köynək) seçdikdən sonra geyim otağına daxil olur. Burada oxşar məhsulların etiketlərinin üzərində yerləşən barkodlar dəyişdirildikdən sonra kassaya yaxınlaşır. Məhsulun qiymətindən xəbərsiz işçi isə “müştəriyə” kompüterdə çıxan qiyməti deyir. Fırıldaqçı bahalı məhsulu ucuz qiymətə aldıqdan sonra mağazadan uzaqlaşır.

Mağaza sahibi bu cür fırıldaqçılardan qorunmaq üçün satıcıları diqqətli olmağa çağırır.