Moskva Dağlıq Qarabağ münaqişəsinin nizamlanması ilə bağlı mövqeyini aydın şəkildə ifadə edir və bu mövqe sistematikdir. 

Mediatv.az xəbər verir ki, bu fikirləri “Sputnik”ə açıqlamasında Rusiya Xarici İşlər Nazirliyinin rəsmi nümayəndəsi Mariya Zaxarova Dağlıq Qarabağ münaqişəsinin həlli məsələsində Moskvanın mövqeyindən danışarkən deyib. 

Rusiyalı deputatların Cocuq Mərcanlıya səfərinə münasibət bildirən Zaxarova deyib ki, Moskva Dağlıq Qarabağ münaqişəsinin nizamlanması ilə bağlı mövqeyini aydın şəkildə ifadə edir və bu mövqe sistematikdir. 

O bildirib ki, Moskvanın mövqeyi həmişə dəqiq olub. 

“Həm Bakıda, həm də Yerevanda Moskvanın bu mənada etibarlı tərəfdaş olduğunu bilirlər. Tərəflər Moskvaya etibar edir”, - Zaxarova əlavə edib. 

Rusiya XİN nümayəndəsi Ermənistan baş naziri Nikol Paşinyanın “Rusiya Qarabağda müharibəyə imkan verməyəcək” fikirlərini şərh etməyəcəyini deyib. 

Onun sözlərinə görə, tarixən Rusiya özünü məsuliyyətli vasitəçi kimi göstərib və praktika dəfələrlə onun konstruktiv vasitəçi rolunu sübut edib.