Qəbələnin Nic qəsəbəsində yerləşən Müqəddəs Məryəm Ana Alban kilsəsi Heydər Əliyev Fondu tərəfindən əsaslı bərpa olunub.

“Mediatv.az” xəbər verir ki, bərpa işləri daxili və xarici tərtibata xələl gətirilmədən Afina xartiyasına uyğun olaraq aparılıb.

Yenidənqurma zamanı tikilinin 50 faizə yaxın kərpicləri, daşları bərpa edilib, kilsənin tavanı, döşəməsi dəyişdirilib. Həmçinin həyətyanı sahə abadlaşdırılıb, sahəsi hasarlanıb, bulaq yaradılıb.

Qeyd edək ki, Müqəddəs Məryəm Ana kilsəsi Azərbaycanda ən böyük kafedral kilsədir.