Azərbaycanın xalq artisti, kaman ustası Habil Əliyevin vəziyyəti orta-ağır olaraq qalır.

Bu barədə APA-ya məlumat verən sənətkarın həyat yoldaşı Şərqiyyə Əliyeva bildirib ki, müalicələr evdə davam edir: "Vəziyyətinin yaxşı olduğunu deyə bilmərəm. Həkimlər 24 saat yanında olurlar. Ümidimiz Allaha qalıb. Sağ olsunlar, həkimlər, dövlət əllərindən nə gəlirsə, edirlər. Bütün müalicələri yüksək səviyyədə aparılır. Hələ ki, vəziyyətində ciddi mənada irəliləyiş yoxdur".

Qeyd edək ki, Habil Əliyev ürək və ağciyər xəstəliyindən əziyyət çəkir.