Mediatv.az "Futbol+" qəzetinə istinadən xəbər verir ki, bu sözləri Norveçlə oyunda millimizə rəhbərlik edən Mahmud Qurbanov deyib.

Qurbanov tənqidlərə cavab verib: "Çox maraqlıdı ki, 6 il səsi çıxmayan mütəxəssislər Norveçlə oyundan sonra bülbül kimi cəh-cəh vurmağa başladılar. Bu da mənə çatmır. Görəsən, niyə üzdə “Mahmud, sən hər şeyi düz etmişdin” deyən bəzi yerli məşqçilər gedib başqa yerlərdə dalımca danışırlar? Sözün var, səhvim var, kişi kimi üzümə söylə! Hamısı da yaxşı bilirdi ki, Mahmud yalnız bir oyunda milliyə rəhbərlik edəcək".

"6 ildi danışmağa özündə cürət tapmayanlar noyabrın 17-dən ağızlarını açıb, gözlərini yumublar. O da maraqlıdır ki, məni tənqid edənlər, heyəti müəyyənləşdirərkən səhv etdiyimi söyləyənlər nədənsə, oyundan öncə və sonra Norveçi ictimaiyyətə zəif rəqib kimi qələmə verməyə çalışırdılar” deyə Qurbanov əlavə edib.