Qadın futzalçılardan ibarət milli komandalar arasında ilk dəfə təşkil ediləcək UEFA Avropa çempionatının ilkin seçmə mərhələsinin oyunlarına təyinatlar açıqlanıb.

Mediatv.az xəbər verir ki, FIFA referisi Yusif Nurullayev avqustun 20-dən 24-dək Kişinyov şəhərində keçiriləcək Belarus, Ermənistan və Moldova milli komandalarının yer aldığı C qrupunun oyunlarını idarə edəcək.

Futzal üzrə FIFA referisi Ramil Namazov isə UEFA Çempionlar Liqasının ilkin seçmə mərhələsinin A qrupunda keçiriləcək oyunlara təyinat alıb. “Mostar” (Bosniya və Herseqovina), “Yeqersborq” (Danimarka),  “Makkabi Nahalat Yitjak” (İsrail) və “Uotsel” (Şotlandiya) komandalarının mübarizə aparacağı bu qrupun oyunları avqustun 28-dən  sentyabrın 2-dək Bosniya və Herseqovinada təşkil ediləcək.