Yunanıstan hökuməti hesab edir ki, Afina yaxınlığında yanğın qəsdən törədilib. 

Mediatv.az “İnterfaks”a istinadla xəbər verir ki, sputnikdən çəkilən görüntülər və hadisə yerinə baxış zamanı yanğının eyni anda bir neçə yerdə başladığı məlum olub.

Bu fikirləri asayişin və vətəndaşların müdafiəsi işləri naziri Nikos Toskas deyib.

Onun sözlərinə görə, cinayət əməlləri ilə bağlı ciddi sübutlar var. Yunanıstan hökuməti araşdırmalar aparır.

Həftənin əvvəlində Afina ətrafında baş verən yanğın zamanı 83 nəfər həlak olub, 180 nəfər yaralanıb.