Sumqayıtda narazılıq yaranıb.

“Mediatv.az” Mia.az-a istinadən xəbər verir ki, kənd təsərrüfatı məhsulları yarmarkasında çalışanlar icra hakimiyyətinə yürüş ediblər. Şəhərin Heydər Əliyev prospektində toplanıb İcra hakimiyyətinin binasına doğru irəliləmək istəyənlərin qarşısını polis kəsib. Şəhər polisi əraziyə cəlb olunub.

Narazılar yarmarkanın bağlanmasına və münasib yer ayrılmamasına etiraz edirlər.

Qeyd edək ki, sentyabrın əvvəlində Sumqayıtın icra başçısı dəyişib. Prezidentin sərəncamı ilə Abşeron rayonunun icra başçısı Zakir Fərəcov Sumqayıt şəhərinə başçı təyin edilib.