“Bundan sonra turistlər İrana vizasız səfər edə bilərlər”.

İran yeddi dövlətin vətəndaşları üçün səfər vizasını ləğv edib.

Mediatv.az xəbər verir ki, bu barədə İranın “Kayhan” qəzeti yazıb.

“Bundan sonra Türkiyə, Livan, Azərbaycan, Gürcüstan, Boliviya, Misir və Suriyadan olan turistlər İrana vizasız səfər edə bilərlər”, - deyə, qəzet yazıb.

Adları çəkilən ölkələrin vətəndaşları İranda 90 günədək vizasız qala bilərlər.

Bu tədbir ölkədə turizm sektorunun inkişafına yönəlib.

Bundan başqa, İran rəhbərliyi daha 60 dövlətin vətəndaşları üçün viza rejiminin ləğv imkanlarını nəzərdən keçirir.

Mediatv.az