Dünyanın ən yaxşı şəhərinin adı açıqlanıb.

Ans press-in məlumatına görə, yaşamaq üçün ən ideal şəhər Kanadanın Toronto şəhəridir. "Economist Intelligence Unit" şirkətinin analitikləri böyük bir araşdırmadan sonra belə bir qənaətə gəliblər.

Şəhərlərin reytinq cədvəli tərtib edilib və bu siyahıya dünyanın 36 ən böyük şəhəri daxil olub. Mütəxəssislər şəhərlərin reytinqini müəyyən edərkən bir sıra xüsusiyyətlərə diqqət yetiriblər. Məsələn, ekspertlər qiymətləndirmə zamanı şəhərdə yaşayan insanlar üçün təhlükəsizlik, həyat səviyyəsi və keyfiyyət kimi detalları da nəzərə alıblar.

Məhz bu səbəbdən Toronto reytinq cədvəlində ilk pillədə yer alıb. Sözsüz ki, ilk baxışdan bu seçim başadüşülən deyil. Çünki, hazırda Torontodan da çox inkişaf etmiş şəhərlər var. Ancaq Toronto bu şəhərlərdən bütün istiqamətlərdə paralel inkişafına görə seçilir. 

Analitiklər təhlükəsizlik səviyyəsinə görə, Torontonu 8-ci, abadlıq işlərinə görə isə 4-cü yerə layiq görüblər. Bu hesablamar sonda Torontonu ilk pilləyə gətirib çıxarıb. 

Dünyada ən təhlükəsiz şəhəri isə 30 milyon insanın yaşadığı Tokio şəhəri olub. Analitiklər bildirir ki, bu şəhərdə cinayət və zorakılığın səviyyəsi xeyli aşağı səviyyədədir.