Sosial (16-07-2018, 12:46)
Binəqədi rayonunda hesabat iclası keçirilib
14.07.2018-ci il tarixdə Yeni Azərbaycan Partiyası Binəqədi Rayon Təşkilatının inzibati binasının akt zalında Binəqədi rayonunun 2018-ci ilin 1-ci yarısının sosial-iqtisadi inkişafın yekunlarına və qarşıda duran vəzifələrə həsr olunmuş hesabat iclası keçirilib.
Mediatv.az “Qafqazinfo”-ya istinadən xəbər verir ki, İcra Hakimiyyətinin başçısı Elxan Allahverdiyev Şura iclasını açaraq, iclasın gündəliyini elan edibvə giriş nitqi ilə çıxış edib. Elxan Allahverdiyev öz nitqində 2018-ci ilin 1-ci yarımilində ölkəmizdə makroiqtisadi sabitliyin qorunub saxlanıldığını, hesabat dövründə iqtisadiyyatın davamlı inkişafı nəticəsində qeyri-neft sektorunun 2 faiz, kənd təsərrüfatının 7,6 faiz, xüsusən də bitkiçiliyin 14 faizdən çox artdığını qeyd eedib.
Sonra Hesabat məruzəsi ətrafında başçının müavini Vüsar İsmayılov, Binəqədi Rayon Su-kanal İdarəsinin rəisi Elnur Əliyev, Dövlət Sosial Müdafiə Fondunun Binəqədi Rayon şöbəsinin müdir müavini Rafiq İsayev çıxış edib. Müzakirələrə Rayon İcra Hakimiyyətinin başçısı Elxan Allahverdiyev yekun vurub.