Avropa Liqasında “Qarabağ”ın rəqibi olan “Sent Etyen” ciddi itki ilə üzləşib.

“Lequipe” nəşrinin yaydığı xəbərə görə, komandanın yarımmüdafiəçisi Romen Amuma dünən “Kan”a qarşı keçirilən ölkə çempionatının oyununda zədə alıb. Bu səbəbdən o, 61-ci dəqiqədə meydanı tərk etmək məcburiyyətində qalıb.

Romen Amumanın bu gün tibbi müayinədən keçəcəyi gözlənilir. Bundan sonra onun yaşıl meydana nə zaman qayıdacağı müəyyənləşəcək.

Amma Fransa mətbuatı yazıb ki, Amumanın “Qarabağ”la sentyabrın 18-də Bakıda keçiriləcək oyunu buraxacağı dəqiqdir.

Qeyd edək ki, Amuma bu mövsüm Fransa liqasında dörd oyunun hamısında meydana çıxıb və iki qolun ötürməsini verib.