Mediatv.az axar.az-a istinadən xəbər verir ki, bunu jurnalistlərə Malta millisinin baş məşqçisi Petro Qedin deyib. Baş məşqçisi keçirdiyi mətbuat konfransında sabahkı qarşılaşma ilə bağlı fikirlərini bölüşüb:

 

“Bizim hazırlıq dövrümüz yaxşı keçdi. Gürcüstanla oyunda ağır məğlubiyyət aldıq. Heyətlə bağlı müəyyən problemimiz var. Amma düşünürəm ki, sabah maraqlı oyun olacaq. Rəqibin baş məşqçisinin kimliyi bizə maraqlı deyil. Əsas öz oyunumuzdu. Çıxıb mübarizəmizi aparacaq və qələbə qazanmağa çalışacağıq”.

 

Qedin deyib ki, hər bir oyunun öz əhəmiyyəti var:

 

“Biz ümid edirik ki, ən azı heç-heçə edəcəyik. Bura uduzmağa gəlməmişik. Hər bir komanda qələbə qazanmaq istəyir. Ancaq bir komanda bunu bacarır. Biz mübarizə aparacağıq ki, qalib gələk. Bu, bizim üçün stimul olar. Azərbaycan çox güclü komandadır. Onların azarkeşlərində həyəcan görürəm. Niyə həyəcanlanırsız? Sizin komandanızın əvvəlki kimi uğur qazanacağına inanıram”.