Tehranın "Azadi" stadionunda "İstiqlal" - "Traktor" matçı zamanı saxlanılan azərbaycanlılar azad edilib.

Mediatv.az  axar.az-a istinadən bildirir ki, gərgin matç zamanı polis tərəfindən döyülərək saxlanılan 43 "Traktor" azarkeşi sərbəst buraxılıb. Onların ictimai qınaq səbəbindən azad edildiyi bildirilir.

Qeyd edək ki, Azərbaycan klubunun müdiri Sadiq Drudgər azyaşlı uşaqlar da daxil olmaqla, çoxsaylı azarkeşin polis əməkdaşları tərəfindən döyüldüyünü bildirmişdi. "Traktor"un keçmiş baş məşqçisi Rəsul Xətibi isə polisin komanda tərəfdarları ilə davranışının utancverici olduğunu deyib.

Görüş zamanı "İstiqlal" komandasının tərəfdarlarının "ölüm olsun türkə" şüarı qıcıq yaradıb. Onlar Azərbaycan komandasının tərəfdarlarını daşa tutaraq, onların ünvanına müxtəlif söyüş və şüarlar səsləndiriblər.